Atzealdea

Aldundiak Eibarren antolatutako bizikleta ikastaroak komunikabideetan oihartzuna izan du

Eskaeren eskariak direla eta, aurreikusitako ikastaro kopurua areagotu behar izan da

Bihar, asteazkena, bizikletan ibiltzen ikasteko ikastaroak hasiko dira Eibarren, Gipuzkoako Foru Aldundiko Mugikortasun Departamentuak antolatuta, herri armagineko Udalarekin eta Gurpilen Artean elkartearekin lankidetzan, eta pertsona helduei zuzenduta.

Eibartarren erantzuna arrakasta izan da eta hasieran aurreikusitakoak baino talde gehiago sortzea ekarri du berekin, ikastaroa hasi aurreko egunetan izena emandakoen eskariari erantzuteko. “Heldu askok ezin izan dute pedalei eragiten ikasi edo urte asko daramatzate bizikleta batean igo gabe. Ikastaro honi esker, bizikletaz paseo batez gozatzera animatuko dira eta hura maneiatzeko eta mantentzeko oinarrizko nozioak ikasiko dituzte, baita zirkulazioko eta bide-segurtasuneko oinarrizko arauak ere”, esan du Marisol Garmendiak.

“Oso pozik gaude ikastaro hauek Eibarren izan duten harrerarekin; izan ere, agerian geratzen da bizikleta zaleak irabazten ari dela gure lurraldean, eta are adin jakin bat izan eta, baldintza hori baliatuz, bizikletaz paseo batez gozatu nahi duten pertsonen artean, bai beren herrian, bai Gipuzkoako bidegorri-sarearen bidez”, adierazi du Mugikortasuneko foru-diputatu Marisol Garmendiak.

Garmendiak adierazi duenez, “izena emandakoen kopurua ikusirik, talde bakoitzeko parte-hartzaile kopurua 15etik 18ra handitu dugu eta talde berri bat sortu dugu goizeko ordutegian. Herritarren erantzunagatik pozik egoteko modukoa da, Errenterian garatutako aurreko edizioa gainditu baitu. Gure aldetik, inskribatuak bizikleta eguneroko garraiobide gisa gehitzera animatuko direla espero dugu; izan ere, horrek onurak dakartza, beren osasunerako ez ezik, ingurumenerako ere”.

Ikastaroak, Bizikletaren Plan Estrategikoaren esparruan daudenak eta Gipuzkoako Bizikletaren Kontseiluaren sostengua dutenak, bihar, asteazkena, ekainak 7, hasiko dira eta datorren larunbatean, ekainak 17, amaituko dira.

Mugikortasun diputatuak bere Departamentua bidegorrien foru-sarea handitzeko eta bizikletaren erabileraren kultura sustatzeko egiten ari den apustua nabarmendu du. Zehazki Eibarreko zonan, aurten aurreikusita dago Maltzaga eta Azitain arteko bidegorria eraikitzeko proiektua idaztea, eta haren obrak datorren urtean hasi ahal izango dira.

 



comments powered by Disqus

FACEBOOK Jarioa FACEBOOK Jarioa

 

Aurkezpena

Gipuzkoako Foru Aldundiko Mugikortasuneko eta Bide Azpiegituretako Departamentuak bizikletaren erabilera bultzatzeko eta bizikletaren inguruko informazioa zabaltzeko sortutako webgunea da...

Behatokia

Bidegorrien foru sarean egiten diren joan-etorrien zenbaketa eta ebaluazioa egiten du Aldundiak. Lan horiek 2007az geroztik egiten dira Aldundiak kudeatzen duen Gipuzkoako Bizikletaren Behatokia...

Gure Bidegorriak Gure Bidegorriak

Sare Sozialak Sare Sozialak

      

Eguraldia Eguraldia

Buletina Buletina

Foroak Foroak

RE: Bizikletak udarako dira bakarrik

Nire ustez oso interesgarria dia berriki Donostiako Udala kaleratu duen neguan bizikletan ibiltzeko aholkuak . _nl__nl_ Ondo segi!

RE: Bizikletak udarako dira bakarrik

Nire ustez oso interesgarria dia berriki Donostiako Udala kaleratu duen neguan bizikletan ibiltzeko aholkuak . Ondo segi!

Bizikletak udarako dira bakarrik

Neguan ez dago bizikletarekin ibiltzerik, bustitzen zara, zikindu eta oso deserosoa da, niretako behintzat. ¿Nola egiten duzue bizikleta neguan erabiltzen duzuenok ez izateko horren kristo?

Twitter Twitter