Atzealdea

Euskadin 15 eta 29 urte bitarteko hamar gaztetik batek egunero erabiltzen du bizikleta ohiko joan-etorrietan

2015eko Europako mugikortasun astea irailaren 16tik 22ra arte ospatuko dela-eta, Gazteen Euskal Behatokiak bizikletaren erabilerari buruzko datuak aurkezten ditu.

2012an Euskadiko 15 eta 29 urte bitarteko gazteen % 9,6k esaten zuen bizikleta egunero edo ia egunero erabiltzen zuela bere ohiko joan-etorrietan. Ehuneko horrek aurreko urteetakoa bikoizten zuen, 2004an eta 2008an % 5 izatetik 2012an ia % 10 izatera pasatu baita. Bidegorrien sarea gero eta handiagoa da eta herri askotan ere bizikletak maileguan hartzeko zerbitzu publikoa eskaintzen da; bi faktore horiek lagungarri izan daitezke garraiobide horren erabileraren sustapenean.

Mutilek neskek baino gehiago erabiltzen dute bizikleta. Mutilen % 13 egunero mugitzen da bizikletaz, nesken kasuan % 6 soilik.

Adinean gora egin ahala gutxiago dira eguneroko joan-etorrietan bizikleta erabiltzen dutenak: 20 urtetik beherakoen artean % 11,3; 20 eta 24 urte bitartekoen artean % 10; eta 25 eta 29 urte bitartekoen artean % 8,2.

Zeregin nagusiak alde esanguratsuak adierazten ditu. Ikasleen artean % 11,6k erabiltzen du bizikleta egunero, langabetuen artean % 10,2k, baina lanean dabiltzanen artean % 6,6k baino ez.

Dena dela, alderik nabarmenena gazteak bizi diren lurraldeak erakusten du: Araban eta Gipuzkoan bizikleta egunero erabiltzen duten gazteen kopurua (% 17,2 eta % 18,1, hurrenez hurren) Bizkaian baino askoz handiagoa da (% 2,1).



comments powered by Disqus

FACEBOOK Jarioa FACEBOOK Jarioa

 

Aurkezpena

Gipuzkoako Foru Aldundiko Mugikortasuneko eta Bide Azpiegituretako Departamentuak bizikletaren erabilera bultzatzeko eta bizikletaren inguruko informazioa zabaltzeko sortutako webgunea da...

Behatokia

Bidegorrien foru sarean egiten diren joan-etorrien zenbaketa eta ebaluazioa egiten du Aldundiak. Lan horiek 2007az geroztik egiten dira Aldundiak kudeatzen duen Gipuzkoako Bizikletaren Behatokia...

Gure Bidegorriak Gure Bidegorriak

Sare Sozialak Sare Sozialak

      

Eguraldia Eguraldia

Buletina Buletina

Twitter Twitter